گلدوک عزا ساخلیاق،حیدر کراره بیز
وئرمگه باش ساغلیقی، قولسوز علمداره بیز
.
.
شیعه نجف شاهینه، ساخلاییب عالم عزا
اوغلو حسین و حسن، اگنینه گئیمیش قرا
مجلیس ماتم قوروب، آل رسول خدا
آغلایین امداد ائد‌ک، عترت اطهاره بیز
.
.
اولماسا هر کیمسه‌نین چشمی بوگون اشگبار
شاه اُمَمد‌ن اولور، حشر گونو شرمسار
ظلمیلن اولدو شهید، منبع هشت و چهار
آزدی نقدر آغلییاق، اول شه ابراره بیز
.
.
بیزد‌ن اوتور ائیله‌دی، هر نه ستم وار قبول
تا که رواج اولماغا، شرع مبین رسول
بیز نه روا اولمایاق بیر بئله غمده ملول
ائتمیک انصافیدیر سینه‌نی صدپاره بیز
.
.
آغلایین اول سروره، شیعه به شور و نوا
راه خداده وئریب اوغلی حسینی فدا
ائتدیلر اولادینه هر نه ستم وار روا
حشره کیمین آغلاریق بیر بئله سرداره بیز
.
.
یادیمه دوشدی گینه واقعه‌ی کربلا
شمر لعینین او گون ائتدیگی جور جفا
شیعه‌لرین باشینه توکدو کول اول بی حیا
وار یئری ایندی گز‌ک چوللری آواره بیز
شاعر : مرحوم میرزا محمد صادق کاتب اردبیلی
Azerbaijani 
Persian