سیدعادل شیخ الاسلامی – سینه زنی ((دانلود))
شعر سینه زنی
سجدهگاه عشقه سالدون ، قانلی جانمازی قارداش
نه بابام قیلوب، نه جددیم، سن قیلان نمازی قارداش
امتحانیوی گوی اهلی گورجهگین نوا ایدوبلر
خیمهدن سن آیریلاندا زینبین دعا ایدوبلر
بو نمازیوه ملک لر حتماً اقتدا ایدوبلر
اللرین اوپوب ، تاپولار ، عالی امتیازی قارداش
عاشق ایتسه سجده سن تک ذوق اوزیله لاینامه
ئولسهده نمازی کسمز تا یتورمیه تمامه
سجده ده کسله باشون ، ذکرینه ویرر ادامه
یرده باشلا سا ، جداده قورتارور نمازی قارداش
قان ویرر دامارلار اوندان جددیمز اوپن بوغازون
سو تاپولماسا او قاندان ، آلسان آب دستمازون
لاجرم تیمم ایتمک سیندیردی امتیازین
عاشقین سو اولمویاندا ، قاندی دستمازی قارداش
یا غفور اگر چاغورسان حشریده بو حنجریلن
دوزخی خموش ایدللر لطف حی داوریلن
عالمی باغشلادورسان بو کسیلمیش اللریلن
عزّ و ناز اولور سراسر شأنون نیازی قارداش
خیملر ده سن که دوردون غرقیدوم بو گوز یاشیمدان
چیخدوم ایلیوم حمایت اوز یارالو قارداشیمدان
کوینگون سویانلار آلدی کهنه معجری باشیمدان
غارت ایتدیلر حریم قدس عز و نازی قارداش
شمری سینه ن اوسته گوردوم حیرتیم اورکده قالدی
کشمکش ایدوب یخلدوم بیلمم ایشنه یرده قالدی
بیر زمان باخوب نه گوردوم نیزه ده سسون اوجالدی
آلدی اختیاری الدن نغمه حجازی قارداش
بیلمورم نه سوز دیمیشدی شمره اول حبیب داور
الدور وردی ال تاپاندا خوردا قیزلاری برادر
قولاریم قباقه ویردوم رحمه گلمدی او کافر
قمچی الده پر شکسته ایتدی شاه بازی قارداش
قتلگاهیوه باخاندا قلبیم اولدی غصه دن قان
داشلاری کناره آتدوم پیکرون اولا نمایان
بیلمدوم ورق لنوبدور جلد دن چیخوبدی قرآن
زلفمیله اورتوم ایندی قوی بو کشف رازی قارداش
(رحیم منزوی )
Persian 
Azerbaijani